A-bep sort tu zo lakaet diaes tud en o micher abalamour d'ar c'hleñved kovid 19. Er restaorantoù, tavarnioù, pe ostalerioù evel-just. Er skolioù n'eo ket gwall aezet kennebeut all, sur, hag en tu-hont da se eo ar c'hreizennoù hag a degemer bugale kement ha deskiñ dezhe ouzhpenn evit ar pezh na vez er salioù klas, an hini zo en arvar. E Tremargad e kreiz Breizh, zo staliet ur menaj da reiñ da zeskiñ diouzh al labour-douar evel-just met pelloc'h evit se, deus ar boued ha deus an natur dre vras. Ar muiañ a dud, a glasadoù, a vez o tont en nevez-amzer peurliesañ met er c'houlz-mañ eus ar bloaz an hini a vez aozet an traoù en a-raok evel-just. Ha gant ar mod m'emañ pep tra o treiñ n'eo ket lañset c'hoazh evit na vo dalc'het tra pe dra a-benn un toullad mizvezhioù. Start eo bet ar bloaz-mañ met gallout 'rafe mont war washaat c'hoazh. Diaezamantoù ekonomikel zo, sur, met pelloc'h evit se zo kalz a goll da vezañ deus tu an deskadurezh, evel 'tispleg Dorig ar C'hras deomp, hemañ e karg eus ar menaj pedagogel. Deus mikro Tugdual Karluer