Kalz trouz 'zo dibaoe kemenn zo bet kavet ur vaksiñ nevez marteze a-enep kleñved ar C'hovid-19. Ar stal apotikerezh Stadoù-Unanad Pfizer en deus lâret eo efedus e vaksin e 90% deus an degouezhioù. Met ne vo ket lakaet deus implij diouzhtu. Chom a ra dezhañ da dremen ur prantad-amprouiñ. Tri frantad 'zo evit amprouiñ ha krouiñ ur vrec'h. An hini a-enep ar c'hovid 'zo er fazenn dri. Met an hent 'vo hir c'hoazh a-raok kaout ar vaksiñ-mañ e ti an apotikerien. Peseurt soñj zo gant medisined ar vro war an danvez vaksiñ-se ? Yuna Kojan a zo bet o c'houlenn o ali gant daou outo : Benjamin Franckaert, medisin hollegour e Sizun, hag Evelyne Lozac'h, medisinez e Lannuon.