Un harz labour o deus graet ar gelennerien dimeurzh. Savet 'oant evit difenn o doare da labourat gant ar stad a urjañs. Diwar c'halv ar sindikadoù oa aozet manifestadegoù e Frañs. Evit ar vanifesterien n'eo ket aes lakaat e pleustr er c'hlasoù ar protokoloù bet bountet warno gant ar gouarnamant. Dibosubl eo dezho doujañ d'ar jestroù gwarez da skouer, hervezo. Goulenn a reont da vinistrelezh an Deskadurezh Stad muioc'h a beadra evit gwellaat an doareioù da labourat. Kant dek den 'oa er vanivestaged en Oriant dimeurzh, ha Yuna Cojean a oa bet eno da reportajiñ. En em gavet eo da gentañ gant Anton Kabon, kelenner war an istor-geo e brezhoneg. Displegañ a ra deomp ar reolennoù 'zo ret d'ober ganto er c'hlas. Manifestadegoù 'oa e Pondi ha Gwened ivez dimeurzh. Ar sindikadoù a zo en em gavet goude evit ober o soñj war ar mod da genderc'hel gant ar stourm.