Dibaoe disadorn zo bet lakaet 54 departamant dindan keulfe. Etre 9e noz ha 6e vintin n'hell ket an dud bezañ er maez, nemet hag o defe un testeni disdalc'h. Disheñvel eo ar reolennoù hervez ar prefetioù koulskoude. E Roazhon da skouer eo bet sarret an tavarnioù hag ar salioù sport penn da benn. An tier-boued hag ar salioù sinema a c'hell int chom digor betek 9e noz. Diaes eo d'ar Roazhoniz kompren poell ar vuzul padal. Ali Tangi Poisson an hini eo da nebeutan, hag eñ o chom e Roazhon. Niverus oa an archerien e straedoù Roazhon dirgwener ha disadorn a-benn gwiriañ e yae pep hini d'e di.