Emvod kerioù Breizh : peseurt talvoudegezh d'ar porzhoù?
A-c'houde 15 vlez 'zo e vez savet an darvoud-mañ bep blez. Ar pal eo bodiñ maered ar vro evit eskemm ha komz a draoù a denn da ziorenn ar vro. Dec'h e Gwened oa lakaet ar gaoz àr talvoudegezh ar porzhoù hiziv an deiz ba kêrioù èl Gwened, Montroulez pe Kemperle. D'eo ket berped aes gober àr-dro ar porzhoù-mañ zo bet a-bouez ba istoer ar c'hêrioù hag ar vro. Jacques Lescoat eo prezidant kozh Emvod kerioù Breizh. Emañ doh mikro Yaëlle ar Mouel.
