Ar poent kentañ a zo bet lakaet gant Roazhon e Lig ar Gampioned dec'h d'an noz ! Met n'eo deuet a-benn ken da vezañ rampo gant Krasnodar, gant un disoc'h a 1-1 e fin ar gont. Evit ar wezh kentañ en e istor e oa d'ar c'hleub breton kemer perzh e brasañ kampionad foball Europa. Unan eus an tri skipailh gant PSG hag Olimpik Marseille da vezañ bet dibabet ar bloaz-mañ evit Bro-C'hall. Ha m'en eus ar PSG kollet 2-1 enep Manchester United, eo en em dennet Roazhon un tamm gwelloc'h. Alies e oa ar volotenn deus tu pal ar skipailh Rusad, ha meur a wezh eo bet Roazhon kichenig lakaat palioù. Un dipit eo evit ar gourdoner Julian Stefan da vezañ trapet unan nemetken e-barzh ar fin. Memes mod vez soñjet gant harperien ar Roazhon Park. Gwenole ha Leo a zo deus mikro Tunvezh Gwlagen-Grandjean.