Hiziv emañ bet lañset eizhvet troiad àrn ugent ar Resto Du Coeur e Frañs a-bezh, kement ha reiñ boued d'an dud en arvar. E-kerzh an dibenn-sizhun dremenet eh eus bet gwelet kenlabourerien ar bank boued pe banque alimentaire é tastum pakadoù profet get pratikoù barzh gourmarc'hadoù. Pal ar bank boued eo reiñ peadra da zebriñ d'ar re ne c'hellont ket prenañ. Gêr-stur an aozadur eo : eskemm, reiñ, ha pep tra evit nitra. Berzh en eus graet ar c'houlzad dastum e-kerzh an dibenn-sizhun dre Frañs a-bezh met muioc'h-mui a dud a vez é c'houlenn sikour.Jean Moreau a labour a-youl-vat evit ar bank boued e Kemper a-c'houde 18 vlez bremañ. Displeget en eus monet-en-dro ar bank boued da Gatell Uguen.