Ar saotradur braz a zo bet e dourioù ar stêr Aon ar sizhun dremenet a zo renket sañset. Redet voe hañvezh kuit deus uzin metanaat Kastelin, meret gant ar stal braz Vol-V. Deuet eo al liveoù ammoniak deus reizh an normoù e dour ar c'hrog en dro e penn kentañ ar sizhun, hervez prefeti Penn-ar-Bed. Met n'eo ket echuet an afer daoust da-se. Un abeg eo da brederiañ en dro war ar produiñ biogaz dre uzinoù metanaat. Evit ar gevredigezh Dour ha Stêrioù Breizh e vez dav en em soñjal war ar mod da sevel an uzinoù-se da gentañ. A-raog ma vefe savet an uzin metanaat e Kastelin gant Vol-V, e oa bet desachet evezh an embregerezh gant ar gevredigezh war ar fed ne oa ket bet soñjet mat ar muzulioù da wareziñ an endro ganto. Brieg ar Roc'h, deus Dour ha Stêrioù Breizh a zo deus mikro Tunvezh Gwlagen-Grandjean. Diskinnig : Hag evit aozadurioù evel ar C'honfederasion Paizant e vez dav prederiañ war poell ar filierenn produiñ energiezh dre ar metan en he-unan. Evito eo ya an deknologiezh-se enep ur stumm labourerezh-douar padus ha doujus deus an endro.