« Collectif des acteurs du Fest-Noz »: ur c'henstroll 'vit dazont ar festoù-noz!
Ganet ez eus ur c'henstroll nevez e-pad ar prantad kraouiañ savet tro-dro d'ur mennozh d'un doare da welet dazont ar Festoù Noz. « Collectif des acteurs du Fest-Noz » anv ar c'henstroll nevez. Ar c'henstroll a vod aozerien festoù-noz , teknisianed, sonerien ,kanerien ha dañsourien. Hiriv en em vodo ar c'henstroll nevez e Pondi tro-dro d'ar mennozh kaout un doare da souten ar festoù-noz. Morwenn Le Normand a zo e-touez ar re hag o deus lañset ar c'henstroll. Selaouomp anezhi deus mikro Neven Penneg.
