O tiorreiñ emañ ar stourm enep ar 5G e bro C'hall. Ur sinadeg savet gant ar gevredigezh Agir pour l'Environnement 'n eus dastumet 70 000 sinadur. 1000 skiantour o deus sinet ur pennad skrid embannet er gazetenn LeMonde da lâret o ya diorren ar 5G enep ar redi hon eus da vont war zu ur gevredigezh simploc'h. E Penn-ar-Bed zo bet kaset hiriv ul lizher d'an aotrouniezhioù gant ur stroll keveredigezhioù ha strolladoù tud enep ar 5G. 5G a zo evit pempet jenerasion teknologiezh ar pellgomzerezh doug. Ar rebechoù a vez graet dezhi a zo un tammig ar memes re hag ar re a vez graet enep ar c'honterioù Linky. Kemeret zo bet an diviz da staliañ anezhi hep goulenn o ali gant ar sitoyaned, a-raok ma vefe bet graet studiadennoù da anavezout efed ar gwagennoù-se war yec'hed an dud. Pe c'hoazh eo aonet lod e vefe droukimplijet titouroù dastumet war o c'hont dre c'hras d'an deknologiezh-se. Marc Perrot a zo er strollad Robin an Toennoù e Tregon.