Fiziet 'zo bet 3 c'harg 'ba 'ni 'zo ezelez eus an UDB gant Gilles Carreric maer nevez ar gumun. E-giz kuzulierez 'no da labourat war idantelezh Breizh, ar monedusted hag ar c'hevatalded etre ar baotred hag ar merc'hed 'ba Lannarstêr. C'hoant 'neus Patricia Riou kenderc'hel gant al labour hag a zo bet boulc'het gant ar gumun da geñver ar brezhoneg ivez. Mankout a ra un nebeud elfennoù evit gellout kadarnaat live 3 ar garta « Ya d'ar brezhoneg ». C'hoant 'zo ivez gant Patricia Riou lakaat e plas ur steñv labour da geñver ar feulster war ar maouezed. Muioc'h a displegadennoù ganti deus mikro Neven Penneg.