Un taol kaer 'neus graet al listennad kaset gant Gael Roblin da geñver an dilennadegoù disul tremenet. Deuet int a-benn da lakaat unan 'bar c'huzul : Gael Roblin eo an ni eo, stourmer eus an tu kleiz pellañ ha dizalc'hour anezhañ. 11,29% eus ar mouezhioù 'zo aet gant e listennad 'oa war ar renk 'vit ar wech kentañ! Met n'eo ket awalc'h 'vit kaout ur plas 'ba kuzul kumuniezh kumunioù Gwengamp-Pempoull Armor-Argoat. 'Ba Gwengamp eo aet ar maout gant ar maer (PS) Philippe Le Goff 'vit an eil gwech eus renk. Dilennet eo bet gant 70% eus ar mouezhioù. En eil plas e kaver Pierre Pasquiou 'zo en tu dehou gant 18,7% eus ar mouezhioù. Un devezh bras 'oa 'vit Gael Roblin hag e genseurted 'oa war al listennad Kumun Gwengamp. Selaouomp ar c'huzulier kêr nevez, neuze. Ouzh mikro Erwan Blanchard emañ.