Nullet 'zo ur bouchad kampionadoù sport 'ba Frañs ha 'ba Breizh gaozen d'ar c'hleñved red Korona Virus. E-kerzh fin ar sizhun-mañ 'oa raktreset derc'hel kampionad Frañs Kross-Kountri 'ba Montauban, kampionad Frañs Judo D1 dre skipailh pe c'hoazh kampionad Breizh Klezeata 'ba Brest. Nullet eo ar c'henstrivadegoù diabarzh gant arvesterien 'vit poent. Surmat 'vo divizet nullañ kampionadoù all 'raok fin ar 'sun. Pezh 'zo sur 'vo ket dalc'het kampionad Europa Gouren ha Back-Hold 'vit ar re yaouank. Gant skol gouren Gwipavaz, chouk Brest, asambles gant Kevre Gouren Breizh 'oa prientet degemer gourenerien eus Europa. Divizet 'neunt renerien Kevre Breizh Gouren nullañ penn da benn. Muioc'h a displegadennoù ouzh mikro Erwan Blanchard gant Jerald Brunou, 'zo ezel eus Kevre Gouren Breizh.