Benn ur mizvezh ac'hann bremañ e vo dalc'het tro gentañ an dilennadegoù kêr. E meur a c'hêr e seblant ma vo diaes ar jeu evit strollad Prezidant ar Republik. Pe vefent deus an tu dehou, deus tu ar Sokialourien pe deus tu ar re c'hlaz, e weler an holl listennadoù geller en em dennañ e tal d'ar "Republik o Vale". Strollad ar Modem, hag eñ en em glevet gant Emmanuel Macron war al live broadel, a c'hoario deus e du peurliesañ war al live lec'hel. E Kemper da skouer, emañ Isabel ar Balc'h, ezelez ar Modem, oc'h en em ginnig fas da deier listennad all a embann bezañ deus tu mennozhioù Emmanuel Macron. Mez penaos e vez kaset o labour kaballiñ gant al listennadoù ? Gwellomp asambles gant Gweltaz ar Fur, 8vet danvez dilennad war listennad ar Balc'h, penaos e tremen ar pemdeiz evit ur strollad o kabaliñ, un nebeut sizhunvezhioù a-raog deiziad an dilennadegoù. Emañ deus mikro Tunvezh Gwalgen-Grandjean.