Hudu 'oa roet lañs da brantad an E3C 'ba lise an Elorn 'ba Landerne. An amprouadoù se 'zo dalc'het evit ar wech kentañ gant al liseidi 'zo e kentañ klas, da geñver adreizhañ ar vachelouriezh hag al lise savet gant minister an Deskadurezh Stad. 'Vit beure 'oa d'al liseidi 'zo e rann teknologel da dremen an arnodennoù. Lod anezho 'neunt nac'haet tremen 'nezho. Hervezo 'neunt ket bet amzer da brientiñ mat awalc'h an danvezioù. Embannet 'neus rener al lise 'vo roet un notenn dezho memestra. hag a vo ZERO. War ar marc'had eo deuet, 'vit beure, an archerien war dro d'al lise. Un aergelc'h spontus dirak ur skol 'vel 'pezh 'neus kontet Herve Maubian, kelenner 'ba lise an Elorn, da Erwan Blanchard.