'Benn digwener 'teuio maez 4re album ar c'haner ha soner Brieg Gernevo, "'Vel ma vin" e anv. Un album dishenvel mat eus e bladenn diwezhañ, "Valgori", 'oa levezonet kaer gant ar rock prog. Ar wech eo aet Brieg Gerveno gant hentoù folk. Kinnig 'ra eizh ton, c'hwec'h kanaouenn skrivet gantañ hag ur barzhoneg gant Anjela Duval. Levezonet eo sonerezh Brieg Gerveno war e album nevez gant strolladoù eus Bro Island 'vel Sigur Ros. Hag ar wech-mañ 'n eus bet c'hoant da lakaat muioc'h war glev ar c'han hag ar c'hanaouennoù. Emañ Brieg Gerveno ouzh mikro Erwan Blañchard. 'Benn disadorn c'hallo an nen mont da welout Brieg Gerveno gant e strollad da geñver sonadeg kentañ e droiad. B'an Naoned 'ba Kastell an Duked, adalek 7e noz e sono ar rocker breizhad, asambles gant Stefan Kerihuel, Bahia El Bahca, ha Camille Goelaenn.