Aurore Martin, ur stourmerez Euskarat ag ar strollad Batasuna a zo bet harzet d'an 2 a viz Kalan-Gouianv tremenet ha kaset d'an toull-bac'h da vro Spagn. E miz Gouel Mikel 2010 e oa bet embannet get Madrid un "urzh da vout bac'het" en he c'heñver evit bout bet kemeret perzh e-barzh aozadurioù terroristel. Batasuna a zo aotreet e Frañs met diwhennet e Spagn, ker emañ re dost douzh an ETA. Emilie Martin, c'hoar Aurore ha mouezh aotreet an emsav Herrira, ur strollad evit doujañ ouzh gwirioù ar brizonidi politik euskarek, he deus roet he soñj, dre bellgomz hag en euskareg, da Gatell Uguen. 'benn àrc'hoazh e vo manifestet e Bayonna evit sekour get Aurore Martin hag evit ma vo tostaet ar brizonidi politikel douzh o familhoù. E prizon ar merc'hed e Roazhon emañ toull-bac'het peder maouez, stourmerezed euskarat. Gortozet 'zo miladoù a dud e straedoù Bayonna 'benn àrc'hoazh.