74, 6 million a euroioù 'zo bet dastumet da geñver an Telethon 'kerzh fin ar sizhun tremenet, da laret eo 5,3 milion muioc'h 'vit warlene! Savet 'oa bet an Telethon e 1987 gant an AFM (Association Française contre les Myopathies) 'vit arc'hantiñ an enklaskoù 'vit klask doareoù da bareañ ar c'hleñvedoù se. Ur bouchad tud a youl vat 'vez war ar stern bep bloaz oc'h aozañ oberennoù a bep seurt 'vit dastum arc'hant. 'Vel 'ba Lambaol-Gwitalmeze, ar bloaz-mañ, lec'h 'zo bet gounezet muioc'h 'vit 20 000 euro ar bloaz 'mañ. Mikeal Konk 'zo perzh 'ba aozañ ar pezh mell gouel 'zo bet 'ba hanter noz Bro-Leon. Displeget 'neus da Erwan Blanchard peseurt mod eo bet aozet an Telethon ganto.