Evit an eil bloaz eus renk eo em gavet merc'hed skipailh melldroad AS Dirinonn e tro ar 128 skipailh e Kib Bro-C'hall. Disul o doe degemeret skipailhad ar Mans FC. ha siwazh eo bet pounner an disoc'h 'vit AS Dirinonn. Kollet o deus 7 da 0 a-enep ur skipailhad 'zo e plas kentañ eus renkadur kampionad Rannvro 1 'ba Broioù al Liger p'emañ merc'hed bro Landerne e plas kentañ kampionad Rannvro 2 'ba Breizh! Met skiant prenet 'zo bet gounezet gant ar re ruz ha du! Selaouomp, da gentañ, Ael Kerdraon, unan eus c'hoarierezed Dirinonn. Gant Erwan Blanchard. Unan eus kleuboù kentañ 'ba bro Brest eo bet an AS Dirinonn o tiorren ar skipailhoù gant merc'hed. Hudu 'zo war dro 100 c'hoarierez o skeiñ 'bar volotenn 'bar c'hleub se.