En distro skol-mañ zo bet ar brasañ niver a zigoradur klasoù divyezhek deus istor ar c'helen divyezhek. 17 klasad a zo bet digoret ar bloaz-mañ. Bep bloaz vez graet ur bilañs deus sifroù an distro skol gant Ofis Publik ar Brezhoneg. Sellet a ra deus sifroù an tri hentad mesket : publik, katolek, ha rouedad kevredigezhiel Diwan. Mez a dreñv ar sifroù mat-se e renker sellet a biz : un difoc'h braz a zo etre an hentadoù a fed diorreiñ : ma 'z eo bet ur distro skol mat evit an hentadoù publik, n'eo ket gwir evit an daou hentad all. Dibaoe pevar bloaz eo e gwirionez e weler ur c'hresk en niver a glasoù publik digoret. Petra zo kaoz ? Evit Meriadeg Valry deus an Ofis, eo dibaoe ma zo bet sinet un emglev etre ar Stad hag ar Rann-vro e 2015. Emañ deus mikro Tunvezh Gwlagen-Grandjean