An devezhioù distro-skol-mañ a zo un digarez mat evit sevel un daolenn deus stad an traoù e skolioù Breizh. E Breizh e vez gwelet dibaoe bloavezhioù an niver a vugale bet lakaet o anv er skol o tigreskiñ a vloaz da vloaz. Ar bloaz-mañ, er c'hentañ derez e vez gortozet 3000 bugel nebeutoc'h, dre gaoz d'an digresk a c'hanedigezhioù er vro. En eil derez koulskoude e kresk un tammig niver a grennarded bet lakaet o anv, dreist holl er skolajoù ha liseoù micherel. N'eo ket kêr Gemper evit mont enep al luskad hollek. Met ar bloaz-mañ eo gorrekaet an digresk a vugale er c'hentañ derez publik, eme Jean-Pierre Dousen. Emañ an eil-mêr karget deus an Deskadurezh evit ti-kêr Kemper o respont da c'houlennoù Tunvezh Wlagen-Grandjean.