Hiriv voe graet Harz-labour evit difenn an Hin. En dro adarre voe un emgav etrevroadel, bedel, gant ar re yaouank evit o amzer da zont, ul luskad lañset gant al liseadez bro Sued, Greta Thunberg. E pad 3 miz a oa chomet ar grennardez bemdez dirag Parlamant he bro, gant ur pannel « Harz-Skol evit an Hin ». Goulenn a ra digant ar bolitikerien kemer divizoù krenn, a-raog ma vo distrujet ar blanedenn davaat. Daou viz 'zo dija he doa galvet an holl re yaouank, hag ar re goshoc'h, da herzel gant ar skol ha gant al labour. 2000 lisead ha skolajiad a voe bet gwelet e straedoù Kemper d'an deiz-se. Hiriv e voent 500 c'hoazh. Sterenn hag Ann-Gwen a voe en o zouezh. Aterset int bet gant Tunvezh Gwlagen-Grandjean. E Brest e voe ur 500 den yaouank er straedoù ivez, 2 600 en Naoned, ur c'hant bennaket e Sant Malo, pe c'hoazh 1000 e Roazhon. En trede Harz-Skol Bedel evit an Hin a zo raktreset dija 'benn an distro skol, d'an 20 a viz Gwengolo kentañ.