50 vloaz Skol an Emsav (1)
Skol an Emsav, ur gevredigezh bet ganet e 1969. Ar skol-se oa bet savet gant ur rummad tud yaouank bet ganet goude ar bloaz 1945 ha disheñvel-kaer o soñjoù diouzh reoù ar stourmerien vroadelour o devoa bevet an eil brezel bed. Skol an Emsav oa deut diwar un disrann c'hoarvezet e diabarzh ur strollad koshoc'h, SADED (strollad an deskadurezh eil derez). A-benn penn kentañ miz Even e vo klevet eil lodenn ar gaozeadenn e-barzh an abadenn Pikous-Dibikous e-tro 8e20, e-barzh pennad-kaoz ar sizhun.
