N'eo ket degemeret mat Marin Le Pen e bro Vigouden avat ! Setu pezh vo diskouezet gant strolladoù politikel an tu kleiz ar vro bennarc'hoaz vitin. Sañset eo prezidantez strollad ar Rassemblement National da vont d'ar Gelveneg war ar porzh abred deus mintin evit 'n em gavout gant ar besketerien. Maksim Touze a voe war varc'had Pont 'n Abad ar mintin-mañ asambles gant tud an UDB evit galvañ ar Vigoudened da vont di, da enebiñ deus strollad an tu dehou pellañ. Sañset e vo ar sokialourien er Gelveneg bennarc'hoaz asambles gant an UDB, hag izili kevredigezhioù ar vro. Da c'houde he deus emgav e Kemper, da 7e d'abardaez e Pleiben, ha bennisadorn e vo Marine Lepen e Bruz. Gout a ouier dija emañ ar strollad enep faskour eno war ar stern evit aoziñ ur vodadeg enepsti.