'Vit beure eo bet stanket skol Skiantoù Politikel Roazhon ga studieren'zo 'vit klemm 'nep ar fed ma vefent lakaet war gwask ga'r penn-rennerien. Ar polis 'zo bet galvet 'vit distankañ dorioù ar skol. Bout 'zo eus un erlegerlc'h tens-tre 'ba'n IEP-se 'blam d'an darempredoù fall-kennañ 'zo etre ar penn-rennerezh, kelennerien'zo ha strolladoù stourmerien gwregelour hag a-enep kapitalour. War vrienaat 'za ar jeu dibaoe minioc'h 'get ur bloavezh, 'pa oa kroget da stourm 'nep d'un doare merañ 'zo digevatal 'vit ar merc'hed 'vit ar feministed, pe benelouristed ma karit. Sañset 'vefe alies start 'vit ar merc'hed ivez ar gouelioù studierienn aozet ga'r skol. Met estreget kudennoù sexism 'zo lakaet war-well. Gant ur studierez a neus c'hoant chom dianavet 'vo lennet un destenn skrivet a-stroll ga'r stourmerien 'vez tamalet dezhe direnkañ ar skol.(Troc'het eo bet un tamm an destenn 'oa bet enrollet gant Gwenvael Delanoe. Ha 'ba Ouest Frañs eo bet embannet ali penn-rennerien ar skol digwener tremenet. Herveze 'vez komzoù gwall-fall ha gevier 'nep d'ar skol 'zo bet lâret ga studierienn ha studierienn-kozh 'zo. Met gwall-ziaes eo da gomprenn 'pezh 'zo o tremen ad vat 'ba'n diabarzh. 'Bern traoù zo bet displeget war Facebook Science-Po en Luttes, hag a-hent all pennadoù 'ba Ouest France 'vit tu ar penn-rennerezh.