Andrea Vendrame 'neus gounezet Tro Bro Leon 'ba Lanniliz. Dec'h eo an italian 'oa bet ar finañ kourser 'vit gounit 8vet lodenn Kib Bro-C'hall just dirak Baptiste Planckaert. Dindan an heol 'oa ur redadeg a feson da welout evit ar milieroù a arvesterien 'oa war bord an hent. War blas 'oa Erwan Blanchard. Goulennet 'neus digant Jean-Pol Balcon, un arvester, ha Louis ar Rouz, unan eus an aozerien o soñj diwar benn an devezh sport. Surmat 'vo cheñchamantoù 'benn 2020. Anv 'zo 'vefe savet gant an UCI (Unanviezh Etrevroadell ar Marc'houarn) ur rummad redadegoù nevez : ur rummad uheloc'h 'vit ar rummad lec'h m'emañ Tro Bro-Leon enni. Mont 'raio Jean-Paul Mellouet, prezidant Tro Bro Leon, war ar renk 'vit gellout degemer kourserien hag a zo barrekoc'h c'hoazh 'vit ar re 'vez gwelet 'ba bro Lanniliz bep bloaz.