Benn disul evit sulvez Fask n'eo ket ur gouel relijiel vo dalc'het e Bro-Gerne, mez ut gouel enep an Iliz. Dek vloaz 'zo dija oa bet aozet e Aodoù an Arvor ur gouel da ginnig tennañ e anv deus listennad an dud badeziet gant an Iliz. Gant ar memes strollad e vo graet en dro ul lid ar memes seurt, Apostazik he anv, mez 'ba eskopti Kemper ar wezh-mañ. Lou Millour hag Anais Haskoed a zo perzh en aozañ. Pedet e oant dec'h en abadenn Re Bell Ganti kinniget gant Morgan Bramoulle 'ba Radio Kerne. Displegiñ a raent perag e dav divadeziñ hervezo... Diskinnig : Ar gouel Apostazik a vo dalc'het e braserezh Tri Martolod e Konk Kerne. Leiz a draoù a leunio al lid adalek disul goude-meren : atalieroù evit goûd ar mod da zivadeziantiñ, un oferenn dibadeziantiñ, arvestoù pe c'hoaz konsertoù. Pep tra a c'hell bezañ kavet war al lec'hienn apostazik.wordpress.com