Haneen zo anezhi ur plac'h yaouank daou vloaz warn ugent, deus Palestinia, o chom en ur c'hamp repuidi e-kichen Bethleem. Evit ar bloaz eo deut a-benn da zont da studierez war ar c'hazetenniñ en IUT Lannuon. Pezh zo, zo bet nac'het reiñ ur viza studi de'i gant prefed Aodoù An Arvor, diwar abeg ma oa ret de'i bezañ goulennet digant konsul Frañs e Jeruzalem. Amañ eo harpet gant ur bern tud, ar gevredigezh AFPS, Frañs Palestinia Solidarité, o kas an traoù. Jean Do ROBIN eo prezidant AFPS Bro Dreger, lâret 'ra deomp pelec'h eo degouezhet an traoù. Ur pennad-kaoz gant Tudual KARLUER. Fenoz, d'ar Yaou 11 a viz Here, e vo dalc'het un emvod gant ur c'huzul-skoazell o krouiñ, da welet petra zo d'ober pelloc'h.