Er mare-mañ emañ an ti Dizale oc'h advouezhiañ 4 hir-metrad. Peadra da labouriñ evit ar gevredigezh advouezhiañ betek miz Even, gant un dibabp ken brav ha lieseurt. Ar souezhadenn vraz a zo « Terminator » moarvat, gant James Cameron ; Mez dibabet zo bet ganto ivez « Avril et le monde truqué », awenet gant an treser Tardi, ha « La grande course au fromage », un dresadenn vev a vro Norvegia. Ar pevare hir metrad a zo « Your Name », un dresadenn vev deus bro Japan 'n eus bet ur berzh etrevroadel pa oa deuet maez e 2016. Samuel Juluan, rener Dizale a zo bet bamet evel ar re all. Diskinnig : Samuel Juluan a voe deus mikro Tunvezh Wlagen-Grandjean. Ar pevar film-se bet graet anv deuhouto neuze (« Your Name », « Terminator », « Avril et le monde truqué », ha «  La grande course au fromage ») 'n eus ket bet dibabet a anv e brezhoneg dezho c'hoaz. Dav vo gortoz miz Gwengolo evit gellet gwelet anezho er sinema, war Vreizh VOD, pe war ar chadennoù tele e brezhoneg !