Kenderc'hel a ra prosez an 12 dizalc'hour gatalan, e Madrid. Ur prosez ha na ra ket kement-se a drouz er mediaoù c'hall, daoust dezhañ bezañ gwelet evel istorel evit bro Spagn. Tamalet vez d'an 12 den bezañ aet enep surentez ar Stad spagnol en ur aoziñ referendum an dizalc'h e miz Here 2017. Gour gouarnamant europad n'en eus kavet abeg e doareoù ar justis spagnol. Met dibaoe dimerc'her emañ ur strollad eurodeputeed e Madrid, Paol Molak ha Joze Boveen o zouezh, evit souten an dizalc'hourien. Evito e ya ar prosez-mañ enep da wirioù bugel-den ha d'an demokratelez. E Breizh e vezer evel just kizidik d'an darvoud. E Kemper, e Lanuon hag e Roazhon e oa en em vodet tud disadorn tremenet diwar c'halv strollad politikel an UDB, mez ivez an NPA hag ar PC, pe c'hoaz Breizh War Raok. Maksim Touze, ezel an UDB, a zispleg resisoc'h perag e vezont mantret gant prosez an dizalc'hourien.