Hanter dro diwezhañ Kib al Lig melldroad: War Raok Gwengamp a c'hoario ouzh Monaco
Disadorn 'noant kollet c'hoarierien War Raok Gwengamp ur pevarzekvet match da geñver 22vet devezh kampionad Lig 1. 1 da zero a-enep Stade Reims. Chom ra skipailh Bro-Dreger staliet mat e plas diwezhañ ouzh ar renkadur gant 14 poent hepken. N'a ket mat gant ar c'hampionad, sur, met evit pezh a sell eus ar C'hiboù eo ar c'hontrol gant Gwengamp: kalifiet eo 'vit tro ar c'hwezek skipailh diwezhañ ha dreistholl evit hanter dro diwezhañ Kib al Lig. Ur c'hrogad ouzh AS Monaco hag a vo dalc'het warc'hoazh noz da 9e05 war dachenn Roudourou. Un tamm sell war bloavezh War Raok Gwengamp gant ur supporter daonet: Tangi ar Gall-Carré. Gant Erwan Blanchard.
