'Vit sellout ouzh ur c'hrogad mell droad e Glasgow ez aio war varc'houarn... eus bro Gerne da vro Skos ! Gant raktres Malo Camus-Ar Pap eo bet ar maout da geñver prizh 'kentañ «Celtic Happy Awards», ur priz bet roet disadorn 'ba'n Oriant e tavarn ar Roue Morvan. Lañset 'oa bet ar menoz bloaz paseet gant ar C'heltik Asso ha Skourr-Breizh : roet vez argant da ur raktres a liamm ar broioù keltiek war live an douristelezh, an niverel pe ar sonerezh. Ne 'oa ket kalz a raktresoù war'r renk 'vit ar bloaz kentañ : ur raktres touristel 'ba Bro Skos, ur redadeg war warc'houarn 'ba bro Gembre, hag hini Malo. Displeg 'ra Gi-Fañch eus ar C'heltik Asso perak o doa kavet dedennus beaj ar paotr yaouank a noa graet ur master war ar sportoù hag an identelezh. Emañ doc'h mikro Gwenvael Delanoe. D'an 20 a viz Meurzh 'zaio Malo Camus-Ar Pap kuit sañset, 'vit 1500 kilometrad war varc'houarn dindan div sizhunvezh ! Un tamm 'vel ar Redadeg 'vit ar brezhoneg, emañ eñ o taspun arc'hant. An argant-se a vo roet d'ar «Celtic Foundation», hag a labour enep an disingalded. Stag eo ar gevredigezh-se doc'h ar c'hlub melldroad skosad, evit 'ndra-he 'n hag eo. Tu 'vo da bop hini heuliañ troiad Malo hag an dud ez aio da gejañ gante war ul lec'hienn internet, dre fasebook dindan an anv «Cycle To Paradise». Ha marteze kaout keloù war-eeun eus ar c'hrogad derby Celtic Glasgow- Glasgow Rangers...