@@@Disadorn e oa bodet izili kuzul sevenadurel Breizh.@@@ Lakaet eo bet ar gaoz a-zivout an digreizenniñ hag ar mediaoù e Breizh. Evit kement-mañ e oa pedet François-Nicolas Sourdat a laboura ba servij ar stategiezh hag an dazont er rannvro, Jean-Michel Le Guennec, a Frans 3 kuzh-heol ha Dominique Hannedouche, rener TV Roazhon. Pal an dewizoù oa gwelet penaos krouiñ ur gwir chadenn dele a-live Breizh èl ma eh eus dija e broioù èl Kembre, Iwerzhon pe Euskadi. Tangi Louarn zo e burev ar c'huzul sevenadurel. Lâret a ra hiroc'h deomp @@@Tremagat : digor eo "Epices et tout"!@@@ Digwener 'oa bet igoret ispisiri Tremargad, e kreiz Breizh, anvet «épices et tout». Un ispisiri ispisial un tamm, dre m'eo meret gant ur gevredigezh, en ur gumun 180 a dud enni. Kaset 'oa bet an igoradur gant ar maer, Eric Bréhin, en doa degemeret Jean-Yves Philippe, prezidant kumuniezh kumunioù kreiz Breizh, Michel Morvan, prezidant bro kornôg kreiz Breizh, ha maerioù diwar-dro. Dorig Ar c'hras a gemer perzh er gevredigezh a dalc'h an ispisiri, muioc'h a displegadennoù war ar mont en-dro anezhi gantañ. Doh mikro Tudual Karluer. Amañ