War dro 1000 a dud 'oa 'ba Roazhon disadorn 'vit goulenn kaout ar gwir da sevel ur referendum 'ba Breizh. Ur referendum da gaout soñj ar Vretoned war adunanviñ Breizh hag adstagañ bro an Naoned ouzh Breizh. Ar vanifestadeg 'mañ 'oa an 'ni kentañ 'ba Roazhon dalc'het war dem an adunaniñ ha laouen awalc'h an aozerien gant an niver 'oa deuet disadorn. War un dro 'oa dalc'het ar vanifestadeg 'vit an hin 'ba Roazhon. War blas 'oa Erwan Blanchard. Gwelet 'neus kalzig a dud yaouank 'oa deuet da c'houlenn ar gwir da sevel ur referendum 'ba Breizh 5. 'vel Garan an Intañv ha Glannon Kerzero. Klevet 'peus Pol Molac, kannad Ploervel, ha Brendan Guillouzig-Gouret, unan eus aozerien ar vanifestadeg. Gervel 'ra hemañ diwezhañ an holl fell dezho kemer perzh 'ba aozañ ar referendum war an adunanviñ da gemer perzh 'ba un emvod 'vo 'benn an 2 a viz C'hwevrer 'ba Gwened.