Lazhet vo gouleier kêr Gemper deus noz
Kêr Gemper a glasko lazhan kazi 30% deus gouleier kêr e kreiz an noz. Etre 1e ha 6e vintin dre vraz e vo lazhet 2 800 gouloù-post diwar 10 000, da lâret eo un tammig nebeutoc'h eget un drederenn deuhouto. Rak n'eo ket Kemper en he fezh hag a vo b'an deñvalijenn, mez karteroù annez, lec'h ma 'n eus ket buhez deus noz, hep ostaleri na tud o tremen.
Petra eo sell ur steredonier war an diviz-mañ, pa ouzher o deus gouleier kêr un efed braz war an endro ? Bez eo bet Tunvezh Wlagen-Grandjean da c'houlenn e soñj digant Dominique Merrien, deus ar gevredigezh "Loar Gann".
Un arnodenn e vo neuze war ur bloavezh evit an ti-kêr, da welet penaos droes an traoù. N'ouzher ket c'hoaz resis pezavare vo lakaet an diviz-mañ e plas.
