CPAM : N'eo ket brav bezañ plac'h hag arzourez sirk.
Digompouez a-grenn eo ar mod skoazelliñ merc'hed dougerez gant ar CPAM. En Aodoù An Arvor, oa savet ur plac'h, Elise, gant ar statud «intermittent du spectacle», da c'houlenn gant ar CPAM bezañ harpet en ur mod reizh. E miz Gouere 'oa bet gant un toullad kañfarted, furlukined anezhe, er CPAM e Sant Brieg oc'h ober un tamm trouz da c'houlenn bezañ digollet proproc'h. Ne oa ket bet klevet diouzhtu, met deut eo 'benn fin. Laurent Gall eo koantiz Elise, lâret 'ra deomp penaos 'oa disoc'h an traoù. Deus mikro Tudual Karluer.
