Ar gevredigezh yaouank « Bak e Brezhoneg » a zo o paouez kas ul lizher rekour da rektordi Breizh. C'hoant o deus gouzout penaos eo bet notennet o c'hopiennoù. Bloaz paseet oa bet 15 lisead Diwan o tremen an arnodennoù matematik e brezhoneg, daoust ma oa difennet dezho en ober. Sikouret int bremañ en o stourm war live al lezenn gant ur breutaer, kaset dezho gant ar gevredigezh « Skoazell Vreizh ». Aziliz Boistuaud a zo sekretourezh « Bak e brezhoneg », ha bet tremenet he bachelouriezh e 2018. Lâret a ra deomp petra a zegaso dezho kaout o c'hopiennoù matematik, deus mikro Tunvezh w/Gwlagen-Grandjean En o lizher rekour kaset d'ar rektordi o deus izili Bak e Brezhoneg diskouezet ivez vez krouet disingalded etre liseidi Breizh ha re bro Euskadi. Du-se emañ ar gwir gant an euskariz tremen an arnodenn matematikoù e Euskareg.