Ouzhpenn 350 000 a euroioù 'oa bet roet gant melestradurioù ar vro da festival Politikos 'vo 'benn ar sizhun o tont. Ar darn vrashañ gant rannvro Breizh hag ar peurest gant meurgêr Roazhon, an DRAC (direction regionale des affaires culturelles) hag an departamant. Re a argant 'vit ur gouel aozet evit ar wech kentañ o doa lâret kevredigezhioù ar vro 'giz Film en Bretagne 'noa embannet 'ne gave ket reizh 'keñver ar re all. N'eus bet tost respont ebet da glemm ar c'hevredigezhioù. Dre an afer 'zeus bet lakaet war well doareoù politikel da ziviz o deus souezhet bed ar c'heweled. Deomp da 'chout pelloc'h gant kazetennerez Mevena Guillouzig Gouret a 'neus skrivet ur pennad diwar-ben an dra-se war al lec'hienn dispak. N'eo ket bet kemeret an arc'hant doc'h budjet hini sevennadur ar rannvro met doc'h re ar c'hentiñ hag an nerzh disachañ an tiriadoù, eme prezidant ar rannvro Loik Chesnais Girard. Ha hervezañ an taol sekour-mañ 'oa ispisial-tre 'vit sekour tro-kentañ ar gouel met ne vo ket roet kement-se ken d'an eil tro. Evit kaat minioc'h a ditouroù, tu zo mont da well war lec'hienn internet dispak.bzh. Gant Gwenvael Delanoe.