Disadorn 'oa emvod meur kevredigezh ar Redadeg 'ba Ti ar vro Karaez. An darvoud meur evit difenn ar brezhoneg kentañ a zo da vezañ dalc'het e 2020. Roet eo bet disadorn neuze anv ar gêr gentañ hag an hini ziwezhañ a vo war hent ar rederien evit ar brezhoneg : 'ba Karaez 'vo al loc'hañ hag 'vit ar wech kentañ e vo an digouezh e Bro Dreger, e Gwengamp. N'eo ket bet divizet da vat peseurt hent resis 'vo kemeret etre an 20 hag an 28 a viz Mae, benn bloaz hanter ac'hann, met goaret 'vez dija an niver a gilometradoù a vo graet. Tro dro 1800 kmad 'giz e 2018 ... Traoù zo a chom da resisaat c'hoazh, ha prest eo ar skipailh da zegemer mennozioù da geñver ar buheziñ. Raktresoù tro dro d'ar c'hallaoueg vo donet mat ivez, dre ma tremen ar Redadeg e Breizh Uvel ivez evel just. Selaouomp Gerald Ar Gov, Leila Simon ha Tifenn Siret eus kevredigezh ar Redadeg doc'h mikro Gwenvael Delanoe.