Un digor chase un tamm mat ispisial 'oawar enez Vaz disul paseet. 'Oa ket erru mat ar chaseourien. Divizet 'noant ar beizanted 'labour war an enezenn degemer gant tonelloù dour ar re 'nije klasket dont. Archerien 'oa deuet da wiriañ 'oa doujet eus diviz maer ar gumunn difenn ar chase betek fin ar bloaz mañ. Al lapined 'zo kaoz 'ban afer mañ. En em gavet int war an enezenn dek vloaz 'zo. Araok en oa hini ebet war enez Vaz. Hervez ar beizanted a c'houn legumaj eno eo ar chaseourien 'neunt degaset 'nezho. Hag abaoe 'vez distrujet ul lodenn vat eus ar broduktion labour-douar. Met disul 'oa chomet seder an traoù 'vel ma lar deomp Alain Glidig, unan eus ar 24 peizant staliet war an enezenn. Ur pennad-kaoz gant Erwan Blanchard.