Dec'h 'oa dalc'het ar prosez engalv en afer ar bugelig Fañch. Evel 'ouvezit zo nac'het ouzh e dud reiñ an anv-mañ dezhañ, skrivet er mod reizh e brezhoneg, gant un dildenn war e N. Abaoe ar penn kentañ eo harpet familh Fañch gant Skoazell Vreizh, pa ne vefe ken evit paeañ ar frejoù justis. Dec'h gou'kreisteiz neuze 'oa bodet un toullad tud dirak ar parlamant e Roazon, lec'h eo staliet al lez-varn engalv. Un tamm renta-kont gant Fabris Kadoù, en anv Skoazell Vreizh. Deus mikro Tugdual Karluer Emgav d'an 19 a viz Du neuze evit kaout disoc'h ar prosez.