Frank Ocean, Christopher Breaux e anw gwir, so savet a New Orleans, ema é chom ba L.A., hag a-houde 2010 e kemera perzh ba OFWGKTA (Odd Future), ha sikouret ew bet ged o fenn-soner Tyler, The Creator ewid embann e vixtape Nostalgia, ultra. "Novocane" e 2011 so bet e dub kentañ, kenlabouret neus ged Jay-Z ha Kanye West, raog kennigiñ ar single "Thinkin bout you" hag an albom Channel orange e 2012. Ur vouezh vraw, don ha fromus en deus, savet neus un albom aeriet ha dishañval neuse a-zoh an RnB-kustum. Musik pop difonn ew kentoh, neo-soul, anad ew ba kanennow èl "Sweet life". A-wezhow e soñjamp ba Prince ("Bad religion") pe Stevie Wonder, ha souezhet vêmp ged "Pyramids" (deg minutenn, ambissius, efedus, ha ral ba bed an RnB). Kontiñ a ra Frank Ocean gwir istoeriow hag a ya pelloh eid an temow a glewamp re lies (ar seks surtoud) : an ton-bale "Crack rock" a-zivoud an drammow, pe "Super rich kids", 'menn neus pedet Earl Sweatshirt, so skweriow mad. Un den dieub ew, un arzour en e vleud, hag a zigora un hent newez ha personel, ha vad a ra barzh an houlenn-mañ. Marsen ema bet kavet an hani (kement'rall ged The Weeknd iwe) a ya da salviñ an RnB ... EARTH WIND & FIRE "September" in 45t (1978 . Columbia) > Lehienn ofissiel TWO DOOR CINEMA CLUB "Sun" in Beacon (2012 . Kitsuné) > Lehienn ofissiel GRAHAM COXON "Meet and drink and pollinate" in A+E (2012 . Parlophone) > Lehienn ofissiel SHY'M "Black Marylin" in Caméléon (2012 . Warner) > Lehienn ofissiel USHER feat. RICKY ROSS "Lemme see" in Looking 4 myself (2012 . RCA) > Lehienn ofissiel FRANK OCEAN "Thinkin bout you" in Channel orange (2012 . Def Jam) > Lehienn ofissiel