Ne vo ket a agregasion brezhoneg ar bloaz-mañ. Ur plas e koñkour meur ar gelennerien a oa bet digorret bloaz paseet evit ar brezhoneg, asambles gant bep a blas evit an okitaneg hag ar c'horseg. Ar c'helenner Pêr-Yves Kersuleg an hini eo en eus bet an agregasion fin ar gont, diwar un 10 den bennaket bet prientet ar c'hoñkour. 'N eus ket padet ar joa gwall bell : ar bloaz-man vo deus un agregasion e katalaneg hag e euskareg, met ne vo ket e brezhoneg. Herve Bihan a zo rener departamant ar brezhoneg e Skol Veur Roazhon. Lâret a ra deomp e peseurt stad mañ an traoù deus mikro Tunvezh Wlagen-Grandjean.