Pevarzek manifestadeg gant implijidi Triskalia 'oa dalc'het dec'h 'ba Breizh: dirak ar sez 'ba Landerne, 'ba Plouzeniel, Kemper, Lambal, Lokmine, Roazhon, Plouizi pe c'hoazh dirak ar stal 'zo 'ba Groñvel, ur stal 'oa bet gweladennet gant falc'herien OGM e fin miz Eost, dezho da lakaat war wel ar produioù gwerzhet eno, produioù kimiek 'zo danjerus evit an en-dro ha yec'hed an dud. E fin an hañv 'oa dougenet klemm gant ur peizant eus Mousteru a-enep Triskalia 'blam 'ma 'oa kaset boued lapin dezhañ lec'h boued chatal. Kement 'tra da lakaat, sanset, ul lodenn eus implijidi Triskalia en fulor. Evel just 'oa un tamm prantad com: fell 'rae da dTriskalia en em diskouezh 'vel difenner al labour -douar 'ba Breizh, ul labour-douar reizh hervezo. Ar c'hevredigezhioù a stourm 'vit difenn an en-dro 'zo kaoz o brud fall... Setu 'pezh a difenne Marc Herve, produer laezh 'ba Louargat hag ezel eus ar c'huzul merañ , 'oa 'ba Landerne goude merenn.