Dec'h o deus labourerien ESAToù Breizh resevet o diplomoù. Dibaoe 15 vloaz e vez anavezet barregezhioù an dud nammet o labourad er c'hevredad ARESAT, dre ul lid ofisiel. 90 embregerezh da sikour dre al labour (ESAT) a vez kavet e Breizh hiriv an deiz, meret gant kevredigezhioù. Enno e c'hell labourat an dud dibosubl dezho bezañ implijet en ur stal boutin. Ganto e vez produet a bep seurt, pe vefe sevel arebeuri, fardañ charkuterezh, pe gounid plantennoù. Ambrouget voe hiriv izili an ESAToù gant o c'herent pe o monitourien. Alan Brelet, stajiad evit bezañ monitour stalier en un ESAT e bro Redon, a oa deuet ivez. Aterset eo bet gant Marianne Vaidie e Radio Kerne. Ar ganourez Gwennyn, maeronez al lid, a zo deus mikro Tunvezh w/Gwlagen-Grandjean