Ne dal mann ebet embann eo daleet an diviz!, eme difennerien ar servij-gwilioudiñ en ospital Gwengamp. Keloù zo da serriñ an ti-gwilioudiñ. Met e fin ar sizhun dremenet 'oa bet roet da c'hoût gant prezidant ar rannvro, loig chesnais girard, en devoa macron graet e soñj da bellaat an diviz. Ha da-heul 'oa bet lamet an tabut war ur meneg da difenn an ti-gwilioudiñ diwar ar roll labour er c'huzul rannvro digwener. E gwirionez eo an tabut 'ni zo pellaet, met n'eus ket bet kaoz da cheñch an deiz lakaet da serriñ ar servij gwilioudiñ, deiz diwezhañ a viz Genver 2019. N'eo ket touellet ar re o labourat ennañ, ha prest da stourm bepred. 'Benn disadorn 'vo manifestadeg e Gwengamp, ha dalc'het 'vo ar vanifestadeg, sur ha n'eo ket marteze. Guilllaume Bricaud zo perzh e stroll difenn an ti-gwilioudiñ, un toullad displegadennoù gantañ. Gant Tudual Karluer.