Un tamm e pep lec'h e Breizh e vez lidet an darvoud-se. 'benn disadorn e vo ur fest e Pluergat e-tal an Alre, aozet get ar skolioù Diwan ag ar Morbihan. 6 skol a zo hiziv an deiz hag ur skolaj hag a zo lec'hiet e Gwened. Laramp emañ ar raktres sevel un eil lise Diwan e Gwened iwez benn ar bleadoù da zonet hag e meur a lec'h e faot da lod kerent krouiñ skolioù nevez. Hiziv an deiz e vez skoliataet 4500 a re yaouank er rouedad Diwan Breizh. Riwall Kermarrec a zo bet unan ag ar re getañ é vonet d'ar skol Diwan, ha perzh eo bremañ èl tad e kuzul skoazell skol Diwan Rianteg. Laret a ra deomp pelloc'h doc'h mikro Yaelle ar Mouel ha Reun Treger. 'benn disadorn e vo un devezh fest neuze get un dro vale da 2eur, un arvest get Roland Conq ha Morwenn Le Normand, ur leurenn digor, ur festnoz hag ur sonadeg get Gilles Servat, Krismenn hag Alem, Youn Kamm hag El Maout.