Loc'het eo 21tañ Kib ar Bed melldroad gant ur c'hrogad etre Russia hag Arabia Saudia, gounezet gant Russia 5-0. 32 skipailh a c'hoario war 12 tachenn 64 match, en holl, 'kerzh ar miz o tont. Ar bed eo 'ni 'en em gavo 'ba Russia gant skipailhoù broadell eus Amerika, Afrika, Europa, Azia hag Oceania. D'ar 15 a viz Gouere 'vo dalc'het tro diwezhañ ar c'hampionad hag 'oarimp peseurt bro 'vo kampionez ar bed e plas Bro-Alamagn. 'Ba Russia 'mañ Kib ar Bed, ar bloaz, met evel just 'vo heuliet a dost ar genstrivadeg, amañ, 'ba Breizh. Soa, Myrtille, Emilie, Youenna ha Loeiz 'oa war porzh skolaj Diwan Gwiseni da greisteiz, ul lodenn anezho o c'hoari melldroad. Ganto 'vo displeget 'pezh a lako 'nezho pe get da heuliañ Kib ar bed melldroad!