@@@dieub eo Juliane Nicolas@@@ Dilun 'oa bet dieubet Juliane Nicolas, Tregeriadez deus Trebeurden, ezelez deus ar gevredigezh Frañs Palestinia Kengred. Abaoe disadorn 'oa dalc'het ar plac'h pemzek vloaz ha tri ugent en Izrael, paket ane'i gant an holl re a felle dê mont da harpañ pobl Balestinia, e Sijordania, en un dachenn dalc'het gant arme Izrael. Arestet 'oa bet 'touesk ur c'hant bennaket a dud pa oa degouezhet en aerborzh Tel-Aviv, 'keit ma oa miret deus kantadoù a reoù all a guitaat Europa, pe vije en aerborzh Roissy, pe aerborzhioù bras all en Europa. En gwirionez, eo bet skarzhet deus tachenn Izrael, kentoc'h evit n'eo bet dieubet, goude bezañ bet arestet hep doujañ d'al lezennoù etrevroadel na da lezennoù Izrael zo kaeroc'h. Skuizh e lâre an Dregeriadez bezañ met mennet ken a oa. Dec'h da noz en devoa Tudual Karluer kejet deus he gwaz, Jean Nicolas. Reiñ a ra e santimant deomp.