Ma dalc'h an traoù evel 'maint, oc'h ober gant produioù kimiek evit al labour douar, ne vo ket a wenan ken 'benn un toullad bloavezhioù. Sed amañ ar c'hemenn sklaer a fell d'ar wenanerien reiñ da glevet. E Breizh int savet un tamm mat abaoe ur miz bennaket bremañ. Goude ur gerzhadeg ur miz zo, etre Ar Faoued ha Roazon int staliet e Roazon dirak ar prefeti rannvro abaoe Dilun, o kampiñ. Hirie 'oa bet graet ul lid kañv adarre, war blasenn an ti-kêr. Selaouomp Yannig An Doujet, gwenaner evit e blijadur, ma c'hell bezañ lâret e-mod-se c'hoazh. Staliet eo e Laoulan, etre Ar Gemene ha Rostrenn. Stad an traoù gantañ deus mikro Tugdual Garluer. Hag arc'hoazh 'vo manifestet dre-holl e Frañs evit goulenn gant ar stad ober evit ar gwenan war hir dermen, en ur dihan, gant al louzeier chimik. Ha deus un tu all harpañ ar wenanerien, evel labourerien-douar evel int, ha n'hellont ket labourat ken.